24-fevral kuni Barselonada o‘tkazilgan MWC—2019 mobil qurilmalar ko‘rgazmasida Huawei kompaniyasi tomonidan buklanuvchan Mate X 5G-smartfoni namoyish etildi. Bu haqda Forbes xabar berdi.
Bu Samsung Galaxy Fold’dan so‘ng choksiz ekran texnologiyasiga ega ikkinchi smartfon. Galaxy Fold ekrani diagonali 7,3 dyuym bo‘lsa, Huawei Mate X sakkiz dyuymli OLED-ekranga ega.
Buklangan ko‘rinishda Huawei Mate X’da umumiy qalinligi 11 millimetr bo‘lgan 6,6 va 6,38 dyuymli ikkita ekran ishlaydi.
Smartfon boshqa raqobatdosh flagmanlarga nisbatan tezroq quvvat oladi. Unda umumiy sig‘imi 4500 mA/soatlik ikkita akkumulyator joylashgan bo‘lib, Huawei hisobtiga ko‘ra, 30 daqiqada 85 foiz quvvat oladi. Bu iPhone XS Max’ga nisbatan 600 foiz tezroq.
Smartfon narxi 2299 yevro bo‘lib, u 2019-yilda sotuvga chiqariladi.
Izoh (0)