Bugungi kunda “Vaqf” xayriya jamoat fondi tomonidan talabalarni qo‘llab-quvvatlash maqsadida ko‘plab amaliy ishlar amalga oshirilmoqda. Shunday ishlardan eng afzali talabalarning shartnoma pullarining to‘lab berilishidir, deyiladi fond xabarida.
Joriy yilning 7-mart kuni Xadichai Kubro o‘rta maxsus ayol-qizlar islom bilim yurtida xayriya tadbiri o‘tkazildi. Tadbirda bilim yurtining 10 nafar talab qizlariga ikkinchi yarim yillik uchun jami 27 050 000 (yigirma yetti million ellik ming) so‘m o‘quv-shartnoma puli to‘lab berilgani ma’lum qilindi.
Shuningdek, o‘quv yurtining 120 nafar talaba qizlariga diniy-ma’rifiy kitoblar va audio disklar, ayollar kiyimi uchun gazlama va issiq kiyimlar xayriya sifatida topshirildi. Xayriya tadbirida jami 16,7 million so‘mlik moddiy boyliklar taqdim qilindi.
“Vaqf” xayriya jamoat fondi sahovatpesha insonlarni ilm toliblarini qo‘llab-quvvatlashga, ularning moddiy qiyinchiliklarsiz ta’lim olishlarida ko‘mak ko‘rsatishda faollikka chaqiradi.
Izoh (0)