Xalq deputatlari Piskent tumani Kengashining navbatdagi sessiyasida Respublika ishchi guruhi tomonidan tumanning ijtimoiy-iqtisodiy ahvoli, aholini qiynab kelayotgan muammolar bo‘yicha olib borilgan o‘rganish natijalari muhokama qilindi. Bu haqda O‘zA xabar berdi.
Sessiyada “Obod qishloq“ dasturi doirasida belgilangan vazifalar to‘liq bajarilmagani tanqid qilindi. Xususan, 2018-yilda tumanda 6 ta mahalla fuqarolar yig‘ini dasturga kiritilgan bo‘lib, mazkur mahallalarda elektr energiyasi ta’minotini yaxshilash bo‘yicha belgilangan vazifaning 71 foizi, piyodalar yo‘lagi qurish va ta’mirlash bo‘yicha 70 foizdan oshig‘i, gulzorlar barpo etish bo‘yicha 50 foiz i, bo‘yicha 85 foizi bajarilmagani qayd etildi.
Tuman obodonlashtirish bo‘limi boshlig‘i B.Ubaydullayev dastur doirasidagi ko‘cha chiroqlarini o‘rnatish masalasiga izoh berdi.
— Dasturga kiritilgan mahallalar ko‘chalariga belgilangan 496 ta tungi yoritish chirog‘i o‘rnatildi, – — deydi B.Ubaydullayev. — Ammo ayni paytda ulardan foydalana olmaymiz. Chunki hozircha chiroqlarni yoqish uchun elektr energiyasidan limit ajratilmagan. Odamlar qachon ko‘chalari yorug‘ bo‘lishini so‘raydi. Limit ajratilmas ekan, chiroqni yoqa olmaymiz.
Izoh (0)