Toshkent shahri Yunusobod tumanida joylashgan, xalq orasida “Toshturma” nomi bilan mashhur bo‘lgan sobiq hibsxona buzib tashlandi. Uning o‘rnida nima qurilishi hozircha noma’lum, deb yozadi Uz24.
Hukumatning 2018-yil 22-martdagi farmoyishiga asosan poytaxtning Namangan ko‘chasi 1-uy manzilida joylashgan 1-son hibsxonasi joylashgan bino va inshootlar Toshkent shahar hokimligiga o‘tgandi.
Toshkent shahar hokimligiga mazkur obyektni uch oy muddatda buzish, buzishdan bo‘shagan yer maydonini obodonlashtirish va unda barcha infratuzilma obyektlari mavjud bo‘lgan zamonaviy xiyobon (dam olish maskani) barpo etish vazifasi yuklangandi.
Hokimlik matbuot xizmatining ma’lum qilishicha, investor topilsa, ko‘p qavatli uy quriladi. Investor topilmasa, bino o‘rnida dam olish maskani qurish rejalashtirilmoqda.
Buzilgan bino o‘rnida nima qurilishi, Navro‘z bayramidan so‘ng investorlar uchun o‘tkaziladigan ochiq eshiklar kunida ma’lum bo‘ladi.
Mazkur hibsxona 2018-yilning yanvar oyida Zangiota tumaniga ko‘chirilgan.
Izoh (0)