Donald Tramp o‘zining Twitter’dagi sahifasida AQShda imkon qadar tezroq 5G va 6G tarmoqlarini joriy etilishini xohlayotgani haqida yozgan, deya xabar beradi “TJournal”.
“Men 5G va hatto 6G texnologiyasi ham AQShda tezroq paydo bo‘lishini istayapman.
Bu mavjud standartlardan kuchli va tezroqdir. Amerika kompaniyalari bor salohiyatini to‘plashi lozim, aks holda ortda qolamiz. Biz ortda qolishimiz uchun hech qanday sabab yo‘q.
Biz har doim hamma narsada yetakchi bo‘lishimiz zarur, ayniqsa texnologiya borasida”.
AQSh prezidenti Finlyandiya transport vaziri Anne Berner mamlakatda 5G tarmog‘ini joriy etilishini o‘rganayotgani haqida ma’lum qilganidan so‘ng shunday bayonot qilgan.
2018-yilning sentabrida Oulu universiteti professori Ari Pouttu 6G texnologiyalarini joriy etish uchun o‘n yilliklar kerakligini va u 2030-yilga kelib paydo bo‘lishini aytgan edi.
AQSh prezidentining ushbu fikrlari internet foydalanuvchilari tomonidan juda ko‘p tanqidlarga sabab bo‘lgan.
Izoh (0)