Rossiya Prezidentining davlat Federal Majlisiga qilgan murojaati bir vaqtning o‘zida beshta kanal orqali jonli efirga uzatilgan, deya xabar beradi “MK.ru”.
Ammo televizor tomosha qilayotgan moskvaliklar orasida 39 foizigina uni ko‘rgan. Natijada, Putinning chiqishini Rossiya poytaxtining bor yo‘g‘i 5,9 foiz aholisi yoki 0,87 million kishi tomosha qilgan.
Vladimir Putinning davlat rahbari sifatida Federal Majlisga qilgan 15-murojaati teletomoshabinlari orasida so‘nggi yillarda eng mashhur bo‘lmagan murojaat bo‘lib chiqdi.
Shuni inobatga olish kerakki, rossiyaliklarning ko‘pchiligi murojaatni Internet orqali kuzatgan.So‘nggi bor bunday past ko‘rsatkich 2013-yilda qayd etilgan.
Ushbu ko‘rsatkich o‘rtacha 7 dan 9 foizgacha bo‘lgan. Rekord Qrim Rossiya Federatsiyasining tarkibiga kirgan 2014-yilda qayd etilgan edi.
O‘shanda prezident nutqini Moskvada yashovchi tomoshabinlarning 50 foizi kuzatgan.
Izoh (0)