O‘zbekistonning Jahon savdo tashkilotiga kirish jarayoni bir-ikki yil vaqt olishi mumkin. Bu haqda mazkur tashkilot bosh direktorining o‘rinbosari Alan Vulf ma’lum qildi, deya xabar beradi “Podrobno.uz”.
“O‘zbekistonning Jahon savdo tashkilotiga kirishi allaqachon boshlangan ochiq iqtisod sari yo‘ldagi qadamlardan biri. Mamlakatning a’zo bo‘lish jarayoni bir yoki ikki yil vaqt oladi. Biz O‘zbekistonni bu borada to‘liq qo‘llab-quvvatlaymiz va ko‘mak beramiz”, — dedi Vulf Toshkentda o‘tkazilgan Markaziy Osiyoda tahdidlar va yangi imkoniyatlarga bag‘ishlangan xalqaro anjuman davomida bergan intervyusida.
Ma’lumot uchun, O‘zbekiston 1994-yilda JSTga kirish uchun ariza bergan. Hozirda mamlakat uning ishida kuzatuvchi sifatida ishtirok etadi.
Izoh (0)