Ўзбекистоннинг Жаҳон савдо ташкилотига кириш жараёни бир-икки йил вақт олиши мумкин. Бу ҳақда мазкур ташкилот бош директорининг ўринбосари Алан Вулф маълум қилди, дея хабар беради «Podrobno.uz».
«Ўзбекистоннинг Жаҳон савдо ташкилотига кириши аллақачон бошланган очиқ иқтисод сари йўлдаги қадамлардан бири. Мамлакатнинг аъзо бўлиш жараёни бир ёки икки йил вақт олади. Биз Ўзбекистонни бу борада тўлиқ қўллаб-қувватлаймиз ва кўмак берамиз», — деди Вулф Тошкентда ўтказилган Марказий Осиёда таҳдидлар ва янги имкониятларга бағишланган халқаро анжуман давомида берган интервьюсида.
Маълумот учун, Ўзбекистон 1994 йилда ЖСТга кириш учун ариза берган. Ҳозирда мамлакат унинг ишида кузатувчи сифатида иштирок этади.
Изоҳ (0)