Chanel fransuz modalar uyining modelyeri va kreativ direktori Karl Lagerfeld 85 yoshida vafot etdi. Bu haqda Le Figaro xabar bermoqda, deb yozadi TJournal.
Nashr Lagerfeldning o‘limi sababiga aniqlik kiritmagan, biroq u bir necha hafta davomida o‘zini yomon his qilganligini ta’kidlagan. U 18-fevral oqshomida shoshilinch shifoxonaga yotqizilgan.
Karl Lagerfeld Gamburgda bank xizmatchisi Otto Lagerfeldning oilasida dunyoga kelgan. U 1952-yilda Parijga ko‘chib kelgan, 1974-yilda esa Karl Lagerfeld Impression liniyasiga asos solgan. 1983-yilda Lagerfeld Chanel modalar uyi badiiy direktori lavozimini egallaydi. U liboslardan tashqari, atirlar ham yaratgan, ular orasida kitob hidli atir ham bor.
Izoh (0)