Kolumbiyadagi giyohvand moddalar savdosi bilan shug‘ullanuvchilarning iltimosiga ko‘ra kuchuklar ichiga suyuq geroinli xaltalarni jarrohlik yo‘li bilan joylagan veterinar Nyu-York sudi tomonidan olti yilga ozodlikdan mahrum etildi, deya xabar beradi “ForumDaily”.
Andres Lopez Elorezga sud hukmi Bruklinda e’lon qilingan.
Sentabr oyida Elorez o‘zini AQShga geroinni olib kirish uchun kuchuklar va itlarga giyohvand moddalar bo‘lgan suyuq geroinli xaltalar joylaganini tan olgan.
Tergov natijalariga ko‘ra, Elorez Kolumbiyaning Medellin shahrida ferma xo‘jaligini ijaraga olgan va u yerda yashirincha itlarni o‘stirib, suyuq geroin xaltalarni ularning ichiga joylashtirgan. Politsiya giyohvand moddalarni olib o‘tish uchun kamida to‘qqizta it bolasini aniqlagan.
2005-yilning 1-yanvar kuni huquq-tartibot idoralari fermer xo‘jaligida qidiruv o‘tkazib, 17 ta xaltadagi suyuq geroinni olib qo‘ygan — ulardan 10 tasi kuchuklar tanasida bo‘lgan.
Kolumbiyada tug‘ilgan Elorez huquqni muhofaza qilish organlari xodimlaridan qochib, 2015-yil Ispaniyada hibsga olingan. U 2018-yilning may oyida AQShhga ekstraditsiya qilingan.
Izoh (0)