Колумбиядаги гиёҳванд моддалар савдоси билан шуғулланувчиларнинг илтимосига кўра кучуклар ичига суюқ героинли халталарни жарроҳлик йўли билан жойлаган ветеринар Нью-Йорк суди томонидан олти йилга озодликдан маҳрум этилди, дея хабар беради «ForumDaily».
Андрес Лопез Элорезга суд ҳукми Бруклинда эълон қилинган.
Сентябрь ойида Элорез ўзини АҚШга героинни олиб кириш учун кучуклар ва итларга гиёҳванд моддалар бўлган суюқ героинли халталар жойлаганини тан олган.
Тергов натижаларига кўра, Элорез Колумбиянинг Меделлин шаҳрида ферма хўжалигини ижарага олган ва у ерда яширинча итларни ўстириб, суюқ героин халталарни уларнинг ичига жойлаштирган. Полиция гиёҳванд моддаларни олиб ўтиш учун камида тўққизта ит боласини аниқлаган.
2005 йилнинг 1 январь куни ҳуқуқ-тартибот идоралари фермер хўжалигида қидирув ўтказиб, 17 та халтадаги суюқ героинни олиб қўйган — улардан 10 таси кучуклар танасида бўлган.
Колумбияда туғилган Элорез ҳуқуқни муҳофаза қилиш органлари ходимларидан қочиб, 2015 йил Испанияда ҳибсга олинган. У 2018 йилнинг май ойида АҚШҳга экстрадиция қилинган.
Изоҳ (0)