Filippinda tug‘ilgan noodatiy cho‘chqa bolasi barchani lol qoldirdi (video)

Filippinda ikkitadan bosh va burun hamda uch ko‘zli cho‘chqa bolasi dunyoga kelgan, deya xabar beradi “Daily Mail”.

Mara Klara laqabli cho‘chqacha Sulton-Qudarat provinsiyasining Kalian qishlog‘ida dunyoga kelgan.

Cho‘chqaning egasi Adelina Dalipe Mara Klara dunyoga kelganida sarosimaga tushgani, biroq tez orada uning noyobligini anglab yetganini ma’lum qilgan.

“Nazarimda cho‘chqachamning omadi kelgan. Axir u shu qadar noodatiyki. Uning tirik va sog‘lomligi mo‘jiza. Men unga g‘amxo‘rlik qilaman” — deydi ayol.

Maraga alohida e’tibor ko‘rsatilmoqda.

Cho‘chqaning mutatsiyasi — politsefaliyadir. Anomaliya sudralib yuruvchilar, sut emizuvchilar, ba’zida esa odamlarda ham uchraydi.