Yevropa Ittifoqi Eron bilan hamkorlik qilishga tayyor bo‘lgan sohalarini ma’lum qildi

Yevroittifoq yana bir bor keng qamrovli qo‘shma harakatlar rejasini qo‘llab-quvvatlashga kirishgan, deya xabar beradi “Kommersant”.

U 2016-yilning aprelida kelishilgani kabi Eron bilan aloqalar rivojlanishini qo‘llab-quvatlaydi.

O‘zaro hamkorlik siyosiy muloqot, iqtisodiy hamkorlik, fuqarolar mudofaasi va tinchlik maqsadlarida yadroviy hamkorlik kabi sohalarni o‘z ichiga oladi.

Shuningdek, unga savdo, investitsiya, qishloq xo‘jaligi va transport ham kiradi.

YeI Eron bilan energetika, iqlim o‘zgarishi, atrof-muhitni muhofaza qilish sohalarida ham hamkorlik qilishga tayyor.

Fan, izlanish, ta’lim, madaniyat va migratsiya ham umumiy manfaatlar qatorida.

Avvalroq, Fransiya, Germaniya va Buyuk Britaniya Eron bilan INSTEX deb nomlangan maxsus hisob-kitob mexanizmini ishlab chiqqan.

Kelgusida barcha qiziqqan mamlakatlar tizimga qo‘shilishi va AQSh sanksiyalarini chetlab o‘tgan holda Tehron bilan savdo munosabatlarida ishtirok etishi mumkin.

Keng qamrovli qo‘shma harakatlar rejasi 2015-yilda tuzilgan. Bu kelishuv Eronning sanksiyalarini olib tashlash evaziga yadro dasturidan voz kechish haqidadir.