Venesuela prezidenti Nikolas Maduro, hech bir begona kuchlar mamlakat hududiga kiritilmasligiga ishontirdi, deya xabar beradi “TASS”.
“Venesuelaga hech kim kira olmaydi, sizni ishontiraman hech kim, u qayerdan kelishining ahamiyati yo‘q, men buni sizga Milliy Bolivarian qurolli kuchlar oliy qo‘mondoni sifatida va’da beraman”, — deydi Maduro.
Shu bilan birga u yana bir bor AQShni mamlakatning Milliy assambleya deputatlari bilan birgalikda xorijiy intervensiya bo‘yicha reja tayyorlayotganlikda aybladi.
Maduro g‘arb Venesuelaga qarshi psixologik o‘yin olib borayotganligini aytdi, uning maqsadi harbiy aralashuv sanaladi.
“Venesuelada intervensiya ham, davlat to‘ntarilishi ham, urush ham bo‘lmaydi”, — deydi u.
Eslatib o‘tamiz, avvalroq AQSh prezidenti Donald Tramp Amerika harbiylarini Venesuelaga jalb qilish ehtimoldan holi emasligini ma’lum qilgandi.
Izoh (0)