Rossiyalik kuzatuvchilar Ukrainadagi saylovlarga kiritilmaydi

Rossiyalik kuzatuvchilar Ukrainadagi saylovlarga kiritilmasligini mamlakat prezidenti Pyotr Poroshenko va’da qilgan, deya xabar beradi “Exo Moskvi”.

ICTV telekanalining efirida saylovlarga YeXHT missiyasining Rossiyadagi a’zolari ham Moskva agressiyasi tufayli kiritilmasligi aytilgan.

Ukraina prezidenti saylovlari 31-martga belgilangan.

So‘nggi so‘rovlarga ko‘ra, ayni damda yetakchilikni shouman Vladimir Zelenskiy, ikkinchi va uchinchi o‘rinni esa “Batkivshina” partiyasi rahbari Yuliya Timoshenko va amaldagi prezident Pyotr Poroshenko egallamoqda.