Toshkent viloyati IIB Migratsiya va fuqarolikni rasmiylashtirish boshqarmasi tomonidan ushbu viloyatda ham fuqarolarga xorijga chiqish biometrik pasportlarini berish boshlandi. Bu haqda O‘zA xabar bermoqda.
19-yanvar kuni Toshkent viloyatilik 64 nafar fuqaroga birinchilardan bo‘lib xorijga chiqish biometrik pasporti jamoatchilik ishtirokida tantanali ravishda topshirildi.
— Shular qatorida yurtdoshlarimizga xorijga chiqish biometrik pasporti va uning afzalliklari haqida batafsil ma’lumotlar ham berilmoqda, — deydi Toshkent viloyati IIB Migratsiya va fuqarolikni rasmiylashtirish boshqarmasi boshlig‘i Nurjov Meliqulov. — Ayni chog‘da hujjatlarni o‘z vaqtida rasmiylashtirish, fuqarolarda bu borada tug‘ilayotgan savol va masalalarga tezkorlik bilan hamda sifatli javob qaytarish ustuvor vazifamizga aylangan. Bu yo‘nalishga eng malakali mutaxassislarimiz jalb etilgan.
Izoh (0)