Bavariya federal o‘lkasida faoliyat olib boradigan “O‘zbekiston onlayn” sayti O‘zbekiston yangiliklarini nemis tilida yoritib boradigan yagona ommaviy axborot vositasi hisoblanadi, deb xabar bermoqda O‘zA.
2014-yilda tashkil etilgan sayt foydalanuvchilari dastlab 500 nafar bo‘lgan bo‘lsa, bugungi kunga kelib ularning soni 100 mingdan oshib ketgan.
Bu O‘zbekistondagi bo‘layotgan o‘zgarishlarga dunyo miqyosida qiziqish oshib borayotganini ko‘rsatadi, deyiladi xabarda.
Sayt rahbari Gerxard Birklning aytishicha, O‘zbekiston Respublikasi Prezidenti Shavkat Mirziyoyevning BMT Bosh assambleyasidagi nutqini nemis tiliga tarjima qilib joylashtirganida eng ko‘p o‘qilgan maqolalardan biri bo‘lgan.
Gerxard Birklning O‘zbekistonga bo‘lgan mehri bo‘lakcha. Uning turmush o‘rtog‘i asli o‘zbekistonlik bo‘lib, u Toshkent shahrida tug‘ilgan.
— Vatan mehri doim qalbimizda, — deydi Nina (Mirkasimova) Birkenshtok. — Gerxard bilan O‘zbekistonda bo‘layotgan o‘zgarishlarni nemis tilida onlayn yoritib boramiz. Bu O‘zbekistonning dunyodagi mavqeyini yanada mustahkamlashda muhim o‘rin tutadi.
Izoh (0)