Бавария федерал ўлкасида фаолият олиб борадиган «Ўзбекистон онлайн» сайти Ўзбекистон янгиликларини немис тилида ёритиб борадиган ягона оммавий ахборот воситаси ҳисобланади, деб хабар бермоқда ЎзА.
2014 йилда ташкил этилган сайт фойдаланувчилари дастлаб 500 нафар бўлган бўлса, бугунги кунга келиб уларнинг сони 100 мингдан ошиб кетган.
Бу Ўзбекистондаги бўлаётган ўзгаришларга дунё миқёсида қизиқиш ошиб бораётганини кўрсатади, дейилади хабарда.
Сайт раҳбари Герхард Бирклнинг айтишича, Ўзбекистон Республикаси Президенти Шавкат Мирзиёевнинг БМТ Бош ассамблеясидаги нутқини немис тилига таржима қилиб жойлаштирганида энг кўп ўқилган мақолалардан бири бўлган.
Герхард Бирклнинг Ўзбекистонга бўлган меҳри бўлакча. Унинг турмуш ўртоғи асли ўзбекистонлик бўлиб, у Тошкент шаҳрида туғилган.
— Ватан меҳри доим қалбимизда, — дейди Нина (Миркасимова) Биркеншток. — Герхард билан Ўзбекистонда бўлаётган ўзгаришларни немис тилида онлайн ёритиб борамиз. Бу Ўзбекистоннинг дунёдаги мавқейини янада мустаҳкамлашда муҳим ўрин тутади.
Изоҳ (0)