O‘tgan yilning yanvar oyida Farg‘onada 11 oylik Azizbekning tanasidan 15 dona igna topilib, undan 11 donasi olib tashlangani xabar qilingandi. 9 soatlik murakkab operatsiya, ikki oylik muolajalardan so‘ng go‘dak sog‘lomlashtirilib, uyiga javob berilgandi. Bu haqda UZ24 yozmoqda.
“Davr” muxbirining xabar qilishicha, hozir Azizbek 1 yosh-u 8 oylik, uning ahvoli qoniqarli, doimiy ravishda mutaxassislar nazoratida.
Go‘dakning tanasida qolgan yana 4 dona ignani ham olib tashlash rejalashtirilmoqda. Ignalarning ikkitasi bo‘yinning 5-,6-,7- umurtqalari to‘g‘risida, bittasi 3- va 4- ko‘krak umurtqalari ro‘parasida yana bittasi 1- va 2- qovurg‘alar orasida joylashgan.
Mutaxassislarning so‘zlariga ko‘ra, bu ignalar bola hayotiga xavf tug‘dirmaydi. Uning sog‘ligi to‘liq tiklangach, bahor oylarida qolgan ignalar olib tashlanadi.
Izoh (0)