“Toshkent shahrida zamonaviy zargarlik buyumlari ishlab chiqarishni tashkil etish” investitsiya loyihasini amalga oshirish chora-tadbirlari to‘g‘risidagi Hukumat qarori qabul qilindi. Bu haqda Adliya vazirligining Telegram’dagi “Huquqiy axborot” kanali xabar berdi.
Mazur investitsiya loyihasi “Imperial Jewelry Inc” (AQSh) tomonidan uch yillik davrda kiritiladigan 20 million AQSh dollari miqdoridagi investitsiya mablag‘lari hisobidan amalga oshiriladi.
Loyihani amalga oshirish muddati yakunigacha mahsulot ishlab chiqarish hajmi 10 tonnagacha yetkaziladi hamda 100 dan ortiq ish o‘rinlari yaratiladi.
Qarorga muvofiq, 2019-yilning 1-apreligacha “O‘zbekzargarsanoat” ishlab chiqarish bazasiga ega bo‘lgan korxonalarda qimmatbaho metallar yombisi ishlab chiqarish, zargarlik buyumi ishlab chiqaruvchi korxonalarga lizing asosida qimmatbaho metallar berilishi mexanizmini joriy etish hamda qimmatbaho metallar parchasi va qayta ishlangan qimmatbaho toshlarni yuridik va jismoniy shaxslardan shartnoma asosida sotib olish huquqini berish bo‘yicha takliflarni hukumatga kiritishi lozim.
Izoh (0)