Kecha, 10-yanvar kuni Toshkent fotosuratlar uyida “Mening armiyam — mening faxrim!” ijodiy ishlar tanlovi g‘oliblarini taqdirlash marosimi bo‘lib o‘tdi. Bu haqda Mudofaa vazirligi matbuot xizmati “Daryo”ga ma’lum qildi.
Ushbu tanlov har yili 14-yanvar — “Vatan himoyachilari kuni” arafasida harbiy xizmatchilar, ularning oila a’zolari hamda respublikamizda istiqomat qilayotgan erkin ijodkorlar o‘rtasida Qurolli Kuchlar davlat muzeyi va O‘zbekiston Badiiy akademiyasi ishtiroki va ko‘magida o‘tkazib kelinadi.
Tanlovda 75 nafar muallifning 250 dan ortiq ijodiy ishlari, fotosuratlar, Qurolli Kuchlar faxriylari portretlari, bannerlar, ko‘rgazmali-targ‘ibot vositalari kabi asarlar namunalari namoyish etildi.
- fotografiya, fotokollaj yo‘nalishi bo‘yicha — Mahmud Yusupov;
- tasviriy san’at grafika, miniatyura yo‘nalishi bo‘yicha — Xasan Egamberdiyev;
- ko‘rgazmali-targ‘ibot vositalari (plakat, banner, flayer) — Ortiqboy Quramboyev.
Professional yo‘nalishda g‘olib bo‘lganlar:
- fotografiya, fotokollaj yo‘nalishi bo‘yicha — Oqil G‘ulomov;
- tasviriy san’at grafika, miniatyura yo‘nalishi bo‘yicha — Ulug‘bek Mamato‘rayev;
- ko‘rgazmaviy-targ‘ibot vositalari (plakat, banner, flayer) — Aleksandr Tixomirov.
Marosim yakunida Akmal Nur 1999—2000 yillarda Surxondaryoning Sariosiyo va Uzun tumanlarida bo‘lib o‘tgan qo‘poruvchilik harakatlarida mardlarcha halok bo‘lgan har bir harbiy xizmatchining portretlarini O‘zbekiston Qurolli Kuchlari davlat muzeyiga topshirdi.
Izoh (0)