“O‘zmetkombinat” birinchi marotaba ferrosilitsiya va ferrosilikomarganes eksport qilishni boshlaydi. Bu haqda kompaniya matbuot xizmatiga tayanib, Spot xabar berdi.
Dastlabki hisob-kitoblarga ko‘ra, ushbu mahsulotlarni xorijga yetkazib berish yiliga 12 mln dollar miqdorida foyda olib keladi. Taxminan o‘ntacha mamlakatlar korxonaga hamkorlik taklifini bildirgan bo‘lib, ular orasida Rossiya, Qozog‘iston va Yevropaning ko‘pgina davlatlari bor.
Amalga oshirilgan loyiha qiymati 60 mln dollarni tashkil etdi. Shundan 40 mln dollar “O‘zmetkombinat”ning o‘z mablag‘lari hisoblanib, 20 mln dollar esa imtiyozli shartlarda Koreyaga qarashli “Eskimbank” tomonidan taqdim etilgan.
“Bugungi kunda ferrosilitsiy va ferrosilikomarganes qora metallurgiyada keng tarqalgan bo‘lib, undan po‘lat xususiyatlarini mustahkamlashda foydalaniladi. Sodda qilib aytganda – uni chidamli, pishiq va qattiq bo‘lishini ta’minlaydi. Shu sababli u sanoatda eng ko‘p foyda keltiradigan materiallardan biri hisoblanadi. Jahon bozorida uning 1 tonna narxi 1500 dollarni tashkil etadi. Tahlilchilarning ta’kidlashicha, ferroqotishmasiga bo‘lgan talab doimiy ravishda orib bormoqda, bu esa mahsulot baxosi dinamikasiga ijobiy ta’sir ko‘rsatmoqda”, — deydi ferroqotishmalar ishlab chiqarish bo‘yicha sex rahbari Dilshod Do‘smatov.
Uning aytishicha, 2019-yilda ushbu mahsulotni ishlab chiqarish hajmi 6 ming tonnani tashkil etadi va u kompaniya ehtiyojlari uchun sarflanadi.
Izoh (0)