Кеча, 10 январь куни Тошкент фотосуратлар уйида «Менинг армиям — менинг фахрим!» ижодий ишлар танлови ғолибларини тақдирлаш маросими бўлиб ўтди. Бу ҳақда Мудофаа вазирлиги матбуот хизмати «Дарё»га маълум қилди.
Ушбу танлов ҳар йили 14 январь — «Ватан ҳимоячилари куни» арафасида ҳарбий хизматчилар, уларнинг оила аъзолари ҳамда республикамизда истиқомат қилаётган эркин ижодкорлар ўртасида Қуролли Кучлар давлат музейи ва Ўзбекистон Бадиий академияси иштироки ва кўмагида ўтказиб келинади.
Танловда 75 нафар муаллифнинг 250 дан ортиқ ижодий ишлари, фотосуратлар, Қуролли Кучлар фахрийлари портретлари, баннерлар, кўргазмали-тарғибот воситалари каби асарлар намуналари намойиш этилди.
- фотография, фотоколлаж йўналиши бўйича — Маҳмуд Юсупов;
- тасвирий санъат графика, миниатюра йўналиши бўйича — Хасан Эгамбердиев;
- кўргазмали-тарғибот воситалари (плакат, баннер, флаер) — Ортиқбой Қурамбоев.
Профессионал йўналишда ғолиб бўлганлар:
- фотография, фотоколлаж йўналиши бўйича — Оқил Ғуломов;
- тасвирий санъат графика, миниатюра йўналиши бўйича — Улуғбек Маматўраев;
- кўргазмавий-тарғибот воситалари (плакат, баннер, флаер) — Александр Тихомиров.
Маросим якунида Акмал Нур 1999—2000 йилларда Сурхондарёнинг Сариосиё ва Узун туманларида бўлиб ўтган қўпорувчилик ҳаракатларида мардларча ҳалок бўлган ҳар бир ҳарбий хизматчининг портретларини Ўзбекистон Қуролли Кучлари давлат музейига топширди.
Изоҳ (0)