AQShda San-Fransisko yaqinidagi orolda joylashgan mehmonxonada yashash va ishlashga rozi bo‘ladigan juftlik izlanmoqda. Bu haqda “Podrobno.uz” xabar berdi.
San-Pablo bo‘g‘ozi markazida joylashgan kichik orolda mayoq va kichik mehmonxona mavjud. U bir yil davomida haftasiga to‘rt kun ishlaydi. Uning ayni vaqtdagi xodimlari Che Rojers va Jillian Miker ishdan ketmoqda va ularning o‘rniga yangi xodimlarni topish zarur.
Ish o‘rniga nomzodlar o‘z zimmasiga tozalash ishlari, buxgalteriya, ovqat tayyorlash, mehmonxonada ro‘yxatga olish, shuningdek, mehmonlarni orolga olib borish va ortga qaytarish kabi ishlarni olishi kerak. Shuning uchun kater boshqarish litzensiyasiga ega bo‘lishi kerak.
Orolda televizor va Wi-Fi yo‘q. Yangi xodimlarga yashash joyi, ovqat va yiliga 130 ming dollar miqdorida ish haqi taklif qilinadi. Nomzodlarni tanlash 2019-yilning aprel oyi o‘rtasida boshlanadi.
Izoh (0)