Navoiyda O‘zbekiston yoshlar ittifoqi tashabbusibilanviloyat hokimligi hamkorligida ilk bor “Innovatsion rivojlantirish kengashi” tashkil etildi. Bu haqda “Daryo”ga Yoshlar media markazi ma’lum qildi.
Ushbu kengash tadbirkorlar hamda biznes faoliyatini yo‘lga qo‘yish istagidagi yoshlarning innovatsion tashabbuslarini qo‘llab-quvvatlab, kerakli takliflarni ishlab chiqadi. Shuningdek, xorijiy investorlar bilan hamkorlikni tashkil etishda yangi g‘oyalar va eng ilg‘or xorij tajribalarini amaliyotga joriy qilish hamda axborot-kommunikatsion texnologiyalaridan keng foydalangan holda yangi xizmat turlarini yo‘lga qo‘yish bo‘yicha takliflarni shakllantirishda ko‘maklashadi.
—“Innovatsion rivojlantirish kengashi”ni tashkil etish davomida viloyatdagi tadbirkorlar faoliyati bilan tanishuv uchrashuvlari va “biznes sayohat”lar uyushtirildi. Ilg‘or tadbirkorlar viloyatdagi qo‘shma korxonalarda bo‘lib, o‘zaro bilim va tajribalar almashildi. Tadbirkorlarning Germaniyaga safarida ushbu korxonalar targ‘ibotini olib borish bo‘yicha kelishuvlar amalga oshirildi, — deydi O‘zbekiston yoshlar ittifoqi Navoiy viloyat kengashi raisi Jamshid Xo‘jayev. — Kengash a’zolari endi har oyda bir marotaba yig‘ilish o‘tkazib, hudud iqtisodiy salohiyatini rivojlantirish va investorlarni jalb etishga qaratilgan masalalarni muhokama etadi.
“Innovatsion rivojlantirish kengashi” raisi lavozimiga “DEKOS” kompaniyasi asoschisi Hasan Mamasaidov nomzodi tasdiqlandi. Ta’sis yig‘ilishida kengash rais o‘rinbosarligiga viloyat hokimi Kobul Tursunov saylandi.
2 kunlik tashrif davomida 12 nafar tajribali tadbirkor va navoiylik yoshlar ishtirokida hududni yanada rivojlantirishda zamonaviy, innovatsion yondashuvlarni muhokama qilish buyicha bir qator davra suhbatlari,“Muvaffaqiyatga erishish sirlari” mavzusidagi uchrashuvlar, yosh tadbirkorlar uchun tajribali tadbirkorlarning biznes sirlari bo‘yicha o‘quv mashg‘ulotlari o‘tkazildi.
Izoh (0)