Qozog‘istonlik fuqaro NASA tanlovida g‘olib bo‘ldi

Qozog‘istonlik dizayner Arsen Seksenbayev NASA Amerika tashkiloti tomonidan o‘tkazilgan tanlov g‘olibi bo‘ldi. Bu haqda “Nur.kz” xabar berdi.

U samoviy o‘simliklarni tadqiq qilish bo‘yicha kosmik laborotoriyani yaratishda qo‘llaniladigan loyihaning muallifiga aylandi.

NASA bilan imzolanadigan kelishuv doirasida Arsen uch yilga Amerikaga ketishiga to‘g‘ri keladi.

Dastavval Arsen o‘z g‘alabasiga ishonmadi va unga kelgan maktubni spam deb belgiladi. Biroq keyin xabar mazmuni bilan tanishib chiqqach u yuzlab nomzodlar orasida eng yaxshisi deb tan olinganini tushunib yetdi.

Arsen ilk mukofot pulini oldi, ammo Amerikaga ketish yo ketmaslik to‘g‘risida hali bir qarorga kelmadi, sababi uch yil davomida u yaqinlari bilan ko‘rishish imkonidan mahrum bo‘ladi.