Iyul oyi oxiridan boshlab Kongo demokratik respublikasida Ebola virusi bilan kasallanganlar soni 600 kishidan oshdi. Bu haqda “TASS” xabar berdi.
“2019-yilning 1-yanvar kuni 602 ta kasallik holati qayd etilgan, 366 kishi halok bo‘lgan, 205 nafari tuzalgan, 54 ta “shubhali” holatlar tekshirilmoqda. 1-yanvargacha bo‘lgan kun davomida to‘rt nafar bemor aniqlandi va uch nafari Ebola virusidan vafot etdi. 8-avgustdan boshlab ushbu kasallikdan emlanganlar soni 53917 kishini tashkil qildi.
Ebola epidemiyasi sababli bir qancha tumanlarda prezidentlik va parlament saylovlarini kechiktirish e’lon qilindi, bu esa virusga qarshi kurashish choralarigi salbiy ta’sir ko‘rsatdi. Sog‘liqni saqlash vazirligining ma’lumot berishicha, “aholining namoyishlari tufayli Goma, Beni, Butembo, Katva, Komanda va Mabalako”da emlash ishlari to‘xtatilgan.
Hozirda mamlakatning ko‘plab joylarida internetga ulanish va SMS xabarnoma yuborishning imkoniyati yo‘q. Butunjahon sog‘liqni saqlash tashkiloti bosh direktori Tedros Adan Gebreyesusning 2018-yil 28-dekabr kuni Jenevada qilgan bayonotida vaziyatni uzoq vaqt davomida yomonlashishi Ebola tarqalishini bartaraf etishda muvaffaqiyatga erishish imkonini bermaydi. Kongodagi norozilik namoyishlari Milliy mustaqil saylov komissiyasi Shimoliy Kivudagi Beni, “Beni-shahar” va “Butembo-shahri”dagi saylov uchastkalarida 2019-yilning mart oyiga mo‘ljallangan prezidentlik va parlament saylovlarini kechiktirishni e’lon qilganidan so‘ng boshlandi. Ushbu qarorning sababi mazkur hududlarda Ebolaning tarqalishi, shuningdek, terroristik qurolli guruhlarning harakati bo‘ldi.
Ebola odamlarga yovvoyi hayvonlardan o‘tadi va keyinchalik odamlar orasida tarqaladi. Kasallikning birinchi belgilari: to‘satdan isitma, mushak og‘rig‘i, bosh og‘rig‘i va tomoq og‘rig‘i. Buning ortidan qusish, diareya, toshma, buyrak va jigar faoliyatining buzilishi, ayrim hollarda ichki va tashqi qon ketishi kuzatiladi.
Kongodagi Ebola tarqalish holati o‘ninchi sanaladi. 28-iyul kuni Shimoliy Kivu viloyati sog‘liqni saqlash boshqarmasi mamlakat sog‘liqni saqlash vazirligiga Manginadagi kasallik va o‘lim holatlari haqida xabar berdi. Keyinchalik olib borilgan tadqiqotlar, bu o‘ta xavfli Zair shtammli virusi bo‘lganligini tasdiqladi. Avval Ebola epidemiyasi oqibatida o‘lim bilan yakunlanganholatlar 25% dan 90% gacha o‘sdi.
Izoh (0)