Июль ойи охиридан бошлаб Конго демократик республикасида Эбола вируси билан касалланганлар сони 600 кишидан ошди. Бу ҳақда «ТАСС» хабар берди.
«2019 йилнинг 1 январь куни 602 та касаллик ҳолати қайд этилган, 366 киши ҳалок бўлган, 205 нафари тузалган, 54 та «шубҳали» ҳолатлар текширилмоқда. 1 январгача бўлган кун давомида тўрт нафар бемор аниқланди ва уч нафари Эбола вирусидан вафот этди. 8 августдан бошлаб ушбу касалликдан эмланганлар сони 53917 кишини ташкил қилди.
Эбола эпидемияси сабабли бир қанча туманларда президентлик ва парламент сайловларини кечиктириш эълон қилинди, бу эса вирусга қарши курашиш чоралариги салбий таъсир кўрсатди. Соғлиқни сақлаш вазирлигининг маълумот беришича, «аҳолининг намойишлари туфайли Гома, Бени, Бутембо, Катва, Команда ва Мабалако»да эмлаш ишлари тўхтатилган.
Ҳозирда мамлакатнинг кўплаб жойларида интернетга уланиш ва SMS хабарнома юборишнинг имконияти йўқ. Бутунжаҳон соғлиқни сақлаш ташкилоти бош директори Тедрос Адан Гебреесуснинг 2018 йил 28 декабрь куни Женевада қилган баёнотида вазиятни узоқ вақт давомида ёмонлашиши Эбола тарқалишини бартараф этишда муваффақиятга эришиш имконини бермайди. Конгодаги норозилик намойишлари Миллий мустақил сайлов комиссияси Шимолий Кивудаги Бени, «Бени-шаҳар» ва «Бутембо-шаҳри»даги сайлов участкаларида 2019 йилнинг март ойига мўлжалланган президентлик ва парламент сайловларини кечиктиришни эълон қилганидан сўнг бошланди. Ушбу қарорнинг сабаби мазкур ҳудудларда Эболанинг тарқалиши, шунингдек, террористик қуролли гуруҳларнинг ҳаракати бўлди.
Эбола одамларга ёввойи ҳайвонлардан ўтади ва кейинчалик одамлар орасида тарқалади. Касалликнинг биринчи белгилари: тўсатдан иситма, мушак оғриғи, бош оғриғи ва томоқ оғриғи. Бунинг ортидан қусиш, диарея, тошма, буйрак ва жигар фаолиятининг бузилиши, айрим ҳолларда ички ва ташқи қон кетиши кузатилади.
Конгодаги Эбола тарқалиш ҳолати ўнинчи саналади. 28 июль куни Шимолий Киву вилояти соғлиқни сақлаш бошқармаси мамлакат соғлиқни сақлаш вазирлигига Мангинадаги касаллик ва ўлим ҳолатлари ҳақида хабар берди. Кейинчалик олиб борилган тадқиқотлар, бу ўта хавфли Заир штаммли вируси бўлганлигини тасдиқлади. Аввал Эбола эпидемияси оқибатида ўлим билан якунланганҳолатлар 25% дан 90% гача ўсди.
Изоҳ (0)