O‘zA muxbiri ko‘z shifokori Eldor Yusupov bilan suhbatlashdi. Shifokor ushbu suhbat davomida bolalarning tug‘ma ko‘z nuqsoni bilan dunyoga kelayotgani sabablarini izohladi.
“Bugun ikki yoshli bolani tibbiy ko‘rikka olib kelishdi. Uning ko‘rish qobiliyati minus uchni ko‘rsatdi. Keyingi vaqtda bunday bemorlar soni ko‘payib qoldi. Avvallari bunday kasallik nasliy hisoblanardi. Shuning uchun, bolaning ota-onasini tekshiruvdan o‘tkazdik. Ular sog‘lom, lekin bolaning ko‘zida nuqson bor. Surishtirsak, ona homiladorligida noto‘g‘ri ovqatlangan.
U ko‘p miqdorda gazli ichimliklar ichgan. Turli xildagi fast-fudlar iste’mol qilgan. Mobil telefondan uzluksiz foydalangan. Kechalari bilan internetdan foydalanganini o‘zi tan oldi. Shu tariqa o‘zi vitamin yetishmay, noziklashib turgan organizmda elektron nurlanish yuzaga kelgani hisobiga bolada tug‘ma nuqson paydo bo‘lgan.
Bunday bemorlar soni ko‘paymoqda. Hozir qaynonalar mehribon, g‘amxo‘r. Kelin homilador bo‘lsa, uni avaylab-asrashga harakat qiladi. Borib, dam ola qoling, deydi. Kelin esa bekorchilikdan telefon yoki kompyuterdan foydalanib o‘tiradi, nurlanayotgani parvoyiga ham kelmay. Keyin esa, nuqsonli bola dunyoga keladi. Mening fikrimcha, mehribon qaynonalar va dangasa kelinlar tufayli tug‘ma bemor nabiralar ko‘payadi.
Nima qilmoq kerak? Eng avvalo, homilador ayol vitaminlarga, foydali elementlarga boy taomlarni iste’mol qilishi, toza havoda yurib, ko‘proq harakat qilishi kerak. Inson qancha ko‘p harakat qilsa, tanada qon shuncha yaxshi aylanadi. Qon yaxshi aylansa, bola sog‘lom bo‘ladi. Turdi elektron vositalardan uzoqroq bo‘lib, o‘zini nurlanishdan asrasa, bolaning ko‘rishida nuqson bo‘lmaydi”, – deydi Eldor Yusupov.
Izoh (0)