Afg‘onistonda IShIDning atoqli jangarisi yo‘q qilindi

IShID terrorchilik guruhining yuqori mansabli a’zosi Afg‘onistonda yo‘q qilindi. Bu haqda Pajhwok agentligi mamlakat IIVga tayanib xabar bermoqda.

Uning ma’lumotlariga ko‘ra, Sulton Aziz A’zam 26-dekabr kuni o‘ldirilgan. Bu xalqaro koalitsiya kuchlarining Nangarxar viloyatining Xaska-Mena tumanidagi avizarbasi chog‘ida yuz bergan. U bilan birga yana uch nafar yordamchisi ham o‘ldirilgan.

Jangari IShIDning Pokiston va Afg‘onistondagi “Viloyat Xuroson” yacheykasi vakili bo‘lgan. Bundan tashqari, u guruh saflariga og‘dirish bilan shug‘ullangan hamda tinch aholi vakillarini jazolashlarda ishtirok etgan.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.