Kolumbiyada avtobus ishtirokida yuz bergan yo‘l-transport hodisasi oqibatida kamida sakkiz kishi halok bo‘ldi hamda 11 kishi jarohatlandi, deb xabar berdi “TASS”.
Hodisa 26-dekabr kuni San-Mateo munisipalitetida yuz bergan.19 kishini olib ketayotgan avtobus noma’lum sabablarga ko‘ra 150 metr chuqurlikdagi jarga qulagan. 3 kishi voqea joyida, yana 5 kishi shifoxonaga olib ketilayotgan paytda halok bo‘lgan.
Hodisa yuzasidan surishtiruv ishlari olib borilmoqda. Dastlabki ma’lumotlarga ko‘ra, avtobusning texnik holati qoniqarsiz darajada bo‘lgan.
Izoh (0)