Italiyaning Sitsiliya orolida yuz bergan zilzila va Etna vulqonining otilishi oqibatida 28 kishi jabrlandi. Bu haqda “Gazeta.ru” xabar berdi.
Yevropadagi eng baland va faol vulqonning otilishi 24-dekabrda boshlangan. Bir necha kun davomida vulqon og‘zidan tutun va kul chiqishi davom etgan va havoni qoplab olgan.
Italiya fuqaro muhofazasi xizmati vakillarining so‘zlariga ko‘ra, yuz bergan zilzila minglab kuchsiz yerosti silkinishlarining bir qismi bo‘lgan. Ularning eng kuchlisi 4,8 ballga teng bo‘lgan.
Silkinishlar oqibatida avtomobillar va uylar zararlangan.
Izoh (0)