O‘zining Toyota Land Gruiser rusumli avtomobilida “Daut-ata” bojxona posti orqali O‘zbekistondan chiqib ketayotgan chet el fuqarosi M.O. bojxona xodimlarining respublika hududidan olib chiqish ta’qiqlangan buyumlar bor yoki yo‘qligi to‘g‘risidagi savollariga yolg‘on javob berdi. Bu haqda “Daryo”ga Bojxona qo‘mitasi axborot xizmati xabar berdi.
Ushbu shaxs yo‘lovchi bojxona deklaratsiyasida ham ko‘rsatmasdan turib, 2 dona skripkani hech qanday hujjatlarsiz olib chiqib ketmoqchi bo‘lganida to‘xtatib qolindi.
Qoraqalpog‘iston Respublikasi badiiy ekspertiza bo‘limining xulosasiga ko‘ra mazkur cholg‘u asboblari o‘tgan asrning boshlariga mansub bo‘lib, tarixiy va madaniy ahamiyat kasb etar ekan. Ekspertlarning baholashicha, skripkalarning umumiy qiymati 40 million so‘mni tashkil qiladi.
Hozirda mazkur holat yuzasidan bojxona tekshiruvlari davom ettirilmoqda.
Izoh (0)