Ўзининг Toyota Ланд Груисер русумли автомобилида «Даут-ата» божхона пости орқали Ўзбекистондан чиқиб кетаётган чет эл фуқароси М.О. божхона ходимларининг республика ҳудудидан олиб чиқиш та’қиқланган буюмлар бор ёки йўқлиги тўғрисидаги саволларига ёлғон жавоб берди. Бу ҳақда «Дарё»га Божхона қўмитаси ахборот хизмати хабар берди.
Ушбу шахс йўловчи божхона декларациясида ҳам кўрсатмасдан туриб, 2 дона скрипкани ҳеч қандай ҳужжатларсиз олиб чиқиб кетмоқчи бўлганида тўхтатиб қолинди.
Қорақалпоғистон Республикаси бадиий экспертиза бўлимининг хулосасига кўра мазкур чолғу асбоблари ўтган асрнинг бошларига мансуб бўлиб, тарихий ва маданий аҳамият касб этар экан. Экспертларнинг баҳолашича, скрипкаларнинг умумий қиймати 40 миллион сўмни ташкил қилади.
Ҳозирда мазкур ҳолат юзасидан божхона текширувлари давом эттирилмоқда.
Изоҳ (0)