Rossiya Prezidenti Vladimir Putin Rossiya va Belarus Ittifoqdosh davlatlarining hukumat tomonidan taqdim etilgan harbiy doktrinasi loyihasini ma’qulladi. Bu haqda “Kommersant” xabar berdi.
“Ittifoq davlati oliy davlat kengashi qaroriga binoan Ittifoq davlatining harbiy doktrinasini tasdiqlash maqsadga muvofiqligi hisobga olinsin”, — deyiladi buyruqda.
Eslatib o‘tamiz, qo‘shma harbiy doktrina loyihasi 13-dekabr kuni Ittifoq davlatlari Vazirlar Kengashi majlisi kun tartibiga kiritilgan. Avvalroq, Belarus hukumati doktrinaning loyihasini ma’qulladi va hujjatni Ittifoq davlatlari Vazirlar Kengashiga taqdim etishni topshirdi.
Rossiya va Belarus o‘rtasidagi asosiy nizolar ikki mamlakatning integratsiyalashuvi bilan bog‘liq. Moskva yaqinlashib kelayotgan harakatlarni tezlashtirish va chuqurlashtirish yo‘li bilan iqtisodiy masalalarni hal qilishda davom etmoqda.
Minsk Rossiyaning bir qismi bo‘lishiga majburlanayotgani haqida gapirmoqda. Bu mavzu Rossiya Federatsiyasi va Belarus prezidentlari o‘rtasidagi 25-dekabr kuni bo‘lib o‘tadigan muzokaralarda asosiy masalaga aylanishi mumkin.
Izoh (0)