19-dekabr, chorshanba kuni futbol bo‘yicha klublar o‘rtasidagi Jahon chempionatining 2-yarim final bellashuvi bo‘lib o‘tdi.
Unda OChL chempioni “Kashima Antlers” klubi YChL g‘olibi “Real Madrid”ga qarshi kurash olib bordi. Uchrashuvda 1:3 hisobida “Real Madrid” g‘alaba qozondi. Madridliklarning barcha gollariga Garet Beyl mualliflik qildi. Yaponlarning yagona javob goli esa Doi tomonidan kiritildi.
Shu tariqa “Real” finalda “Al-Ayn” bilan o‘ynaydigan bo‘ldi. Hal qiluvchi o‘yin 22-dekabr kuni bo‘lib o‘tadi.
1/2 final
19-dekabr, chorshanba
“Kashima Antlers”—“Real Madrid” 1:3
Gollar: 0:1 – 44 Beyl, 0:2 – 53 Beyl, 0:3 – 55 Beyl, 1:3 – 78 Doi.
“Kashima Antlers” – Gvon Sun Txe, Chjon Sin Xen, Yamamoto, Nisi (Andzai, 56), Sedzi, Leo Silva, Nagaki (Utida, 46), Serjino, Endo (Leandro, 83), Doi, Abe.
“Real Madrid” – Kurtua, Varan, Marselo, Karvaxal, Ramos, Modrich, Lorente, Vaskes (Isko, 68), Kroos, Beyl (Asensio, 60; Kazemiro, 74), Benzema.
Ogohlantirishlar: Karvaxal (42), Yamamoto (52).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)