O‘zbekiston Bosh prokuraturasida 14-dekabr kuni huquqni muhofaza qiluvchi organlar, ommaviy axborot vositalari, tele- va radiokanallar hamda internet nashrlari vakillari uchun “Huquqni muhofaza qiluvchi organlar faoliyatining oshkoraligi va shaffofligi: ommaviy axborot vositalari bilan samarali hamkorlik o‘rnatish masalalari” mavzusida xalqaro seminar tashkil etildi. Bu haqda Bosh prokuratura matbuot xizmati xabar berdi.
Seminarda O‘zbekistonda yuz berayotgan siyosiy, iqtisodiy, ijtimoiy, huquqiy islohotlar haqida keng jamoatchilik hamda aholini xabardor qilib borish, davlat hokimiyati va boshqaruvi organlari faoliyatining ochiqligini ta’minlash, davlat idoralarining ham, matbuot vositalarining ham dolzarb vazifasi ekanligi ta’kidlab o‘tildi.
Hozirgi kunga kelib har bir vazirlik, idora va boshqa davlat muassasalarida, xususan huquqni muhofaza qiluvchi organlarda matbuot xizmatlari va ularning veb-saytlari ishlamoqda. Bu, o‘z navbatida, jamoatchilikning davlat idoralari faoliyatidan to‘liq va xolis xabardor bo‘lishi bilan birga, davlat boshqaruvi samarasining darajasini belgilashga imkon bermoqda.
Shu bilan bir qatorda, xalqaro ekspert Anna Guardino seminar ishtirokchilarini AQSh huquqni muhofaza qiluvchi organlarining faoliyatning oshkoraligi va shaffofligini ta’minlashdagi tajribasi, OAV va jamoatchilik bilan hamkorlik qilish usullari haqida tanishtirib o‘tdi.
Shuningdek, seminar davomida, qonun buzilishlarini oldini olish va jinoyatchilikka qarshi kurashish, aholining huquqiy ongini oshirish, huquqni muhofaza qiluvchi organlarning noto‘g‘ri ma’lumotlarga tezkor munosabat bildirishi choralari haqida aholini o‘z vaqtida xabardor qilish bo‘yicha takliflar ishlab chiqildi.
Izoh (0)