КХДР бир йил давомида ядро қуроли чиқармаганлигини маълум қилди

Пхеньян ядро қуроли чиқаришни бир йил олдин якунлаганини ва энди мамлакатнинг иқтисодий ривожига эътибор берганини эслатиб ўтди. Бу ҳақда «Корреспондент.net» хабар берди.

«Ноябрда бўлиб ўтган Шимолий Кореянинг стратегик статусини оширган тарихий воқеа империалистик агрессия ва ядро таҳдидларига якун ясади, ҳамда КХДР халқи учун барча кучларни иқтисодиётга қаратиш имконини берди», — дейилади хабарди.«Тарихий воқеа» деганда 2017 йилнинг 29 ноябрь куни бўлиб ўтган Хвасон-15 қитъалараро баллистик ракетасининг учирилиши назарда тутилмоқда.Хабарда келтирилишича, «КХДР кучининг намойиши Корея яриморолида икки Кореянинг учта учрашуви ҳамда Шимол ва АҚШ ўртасида биринчи саммит ўтказилиши каби радикал ўзгаришларга олиб келганди».Шу билан бирга Пхеньянга нисбатан ҳеч қандай санкция ва босимлар иш бермаслиги қайд этилади.Аввалроқ, Шимолий Корея раҳбари Ким Чен Ин юқоритехнологик қуролнинг синовдан муваффақиятли ўтган ҳарбий полигонга ташриф буюрганди.Эслатиб ўтамиз, 2017 йилнинг 29 ноябрь куни Шимолий Кореянинг STAK агентлигининг таъкидлашича, АҚШнинг исталган ҳудудига етиб бориш имконига эга қитъалараро Хвасон-15 баллистик ракетасини учирган. Жанубий кореялик ҳарбийларнинг маълумотларига кўра, ракета 960 км учиб ўтиб, 4,5 минг километрга кўтарилган.