“Podrobno.uz” tahririyatiga Toshkentning Chilonzor tumanida yashovchi fuqarodan xat kelib tushdi. Unda aytilishicha, Chilonzor-18 dahasidagi 16-uy derazalari tagiga har kuni fohishalar o‘tirgan avtomobillar kelib to‘xtaydi, ular esa mahalliy aholiga tinchlik bermayapti.
“Fohishalar mijozlarni ko‘chada emas, trotuarlar yoniga to‘xtatilgan mashinalarda kutadi. Shu tariqa yo‘lda tirbandliklarni yuzaga keltiradi, avtomobillar signal beradi, olomon to‘planadi… Yarim kechasigacha shu shovqinni eshitishga majburmiz”, — deyiladi xatda.
“Uyimizdagilarning ko‘pchiligi chetdan kelgan, shu sababli bu muammoni deyarli bir o‘zim hal qilishga majbur bo‘lyapman. Hatto O‘zbekiston Prezidenti virtual qabulxonasiga ham murojaat qildim. Oxir-oqibat murojaatni uchastka noziriga yuklashdi, va tabiiyki, hech qanday natija bo‘lmadi. Uchastka noziri patrul mashinasida kelib, fohishalar o‘tirgan avtomobillarni quvib yuboradi, ammo biroz vaqtdan keyin ular yana “sevimli” joyiga qaytib keladi… Bu muammoni qanday yechish kerak — bilmayman”, — deb yozadi fuqaro.
Nashr murojaatiga javoban, Toshkent shahar IIBB bu masala bilan shug‘ullanib, muammoni tez orada hal qilishga va’da berdi.
Izoh (0)