«Podrobno.uz» таҳририятига Тошкентнинг Чилонзор туманида яшовчи фуқародан хат келиб тушди. Унда айтилишича, Чилонзор-18 даҳасидаги 16-уй деразалари тагига ҳар куни фоҳишалар ўтирган автомобиллар келиб тўхтайди, улар эса маҳаллий аҳолига тинчлик бермаяпти.
«Фоҳишалар мижозларни кўчада эмас, тротуарлар ёнига тўхтатилган машиналарда кутади. Шу тариқа йўлда тирбандликларни юзага келтиради, автомобиллар сигнал беради, оломон тўпланади… Ярим кечасигача шу шовқинни эшитишга мажбурмиз», — дейилади хатда.
«Уйимиздагиларнинг кўпчилиги четдан келган, шу сабабли бу муаммони деярли бир ўзим ҳал қилишга мажбур бўляпман. Ҳатто Ўзбекистон Президенти виртуал қабулхонасига ҳам мурожаат қилдим. Охир-оқибат мурожаатни участка нозирига юклашди, ва табиийки, ҳеч қандай натижа бўлмади. Участка нозири патруль машинасида келиб, фоҳишалар ўтирган автомобилларни қувиб юборади, аммо бироз вақтдан кейин улар яна «севимли» жойига қайтиб келади… Бу муаммони қандай ечиш керак — билмайман», — деб ёзади фуқаро.
Нашр мурожаатига жавобан, Тошкент шаҳар ИИББ бу масала билан шуғулланиб, муаммони тез орада ҳал қилишга ваъда берди.
Изоҳ (0)