Jizzaxda 5000 AQSh dollari evaziga JDPIga o‘qishga kiritishga va’da qilgan shaxsga nisbatan hukm o‘qildi

Jizzax viloyati Sh.Rashdiov tumanida yashovchi M.Sh 2018-yil yanvar oyida kirakashlik qilib yurganida Jizzax Davlat pedagogika instituti o‘qituvchisi D.A bilan tanishib qolgan, deb yozadi Jizzax viloyati IIB matbuot xizmati.

Ular bir necha marotaba taksi xizmatini ko‘rsatgan, bir necha marotaba suhbat davomida abituriyentlarni oliy o‘quv yurtlariga bo‘lib o‘tadigan test imtihonlarida yuqori ball olishi uchun guruh tuzib tayyorlaydigan tanishlari borligini aytadi.

Undan agarda o‘qishga kirish niyatida bo‘lgan tanishlari bo‘lsa aytishini so‘rab, ularni guruhga olib tanishlari bilan birga tayyorlashi haqida aytgan.

2018-yil iyul oyining o‘rtalarida fuqaro N.M. telefon qilib, raqamini D.A.dan olganligi, qizini o‘qishga kiritish masalasida u bilan gaplashmoqchi ekanligini aytgan, so‘ng M.Sh. va N.M. uchrashib, N.M. ning qizi I.S.ni O‘zbekiston Respublikasi Oliy ta’lim vazirligidagi va Jizzax Davlat pedagogika institutidagi mansabdor tanishlari orqali mazkur institutning “Tarix” fakultetiga 5 000 AQSh dollari evaziga o‘qishga kiritib qo‘yishini aytib, shu pulning bir qismi 2 500 AQSh dollarini mansabdor tanishlariga berishi haqida aytib aldagan.

N.M. pullarini aldab olmoqchi bo‘lgan, bir necha kun o‘tib, N.M.dan pullarni so‘raganida, u hozircha pullari yo‘qligini aytib, garov sifatida tilla taqinchoqlarini unga bergan, 2018-yil 24-iyul kuni soat taxminan 20:00 larda Jizzax shahar Qassoblik MFY hududidagi “He’mat ota” choyxonasiga tanishi L.S. bilan borgan, soat 20:30 larda O‘zbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish Departamenti Jizzax viloyat boshqapmaci xodimlari tomonidan fyqapo M N.ning arizasiga asosan o‘tkazilgan tezkor tadbirda Sh.M. arizachi N.M.dan 2 500 AQSh dollarini firibgarlik yo‘li bilan olgan vaqtida ushlangan.

M.Shga nisbatan O‘zbekiston Respublikasi JKning 25,168-moddasi (firibgarlik) 2-qismi “a” bandi va 28,211-moddasi 1-qismi bilan jinoyat ishi qo‘zg‘atilgan.

Jinoyat ishlari bo‘yicha Jizzax shahar sudining 2018-yil 13-noyabr kungi hukmiga asosan M.Sh. O‘zbekiston Respublikasi JKni 25,168-moddasi 2-qismi “a” bandi va 28,211-moddasi 1-qismida nazarda tutilgan jinoyatlarni sodir etganlikda aybli deb topilib, 3 yil muddatga ozodlikdan cheklash jazosi tayinlindi.