Жиззах вилояти Ш.Рашдиов туманида яшовчи М.Ш 2018 йил январь ойида киракашлик қилиб юрганида Жиззах Давлат педагогика институти ўқитувчиси Д.А билан танишиб қолган, деб ёзади Жиззах вилояти ИИБ матбуот хизмати.
Улар бир неча маротаба такси хизматини кўрсатган, бир неча маротаба суҳбат давомида абитуриентларни олий ўқув юртларига бўлиб ўтадиган тест имтиҳонларида юқори балл олиши учун гуруҳ тузиб тайёрлайдиган танишлари борлигини айтади.
Ундан агарда ўқишга кириш ниятида бўлган танишлари бўлса айтишини сўраб, уларни гуруҳга олиб танишлари билан бирга тайёрлаши ҳақида айтган.
2018 йил июль ойининг ўрталарида фуқаро Н.М. телефон қилиб, рақамини Д.А.дан олганлиги, қизини ўқишга киритиш масаласида у билан гаплашмоқчи эканлигини айтган, сўнг М.Ш. ва Н.М. учрашиб, Н.М. нинг қизи И.С.ни Ўзбекистон Республикаси Олий таълим вазирлигидаги ва Жиззах Давлат педагогика институтидаги мансабдор танишлари орқали мазкур институтнинг «Тарих» факультетига 5 000 АҚШ доллари эвазига ўқишга киритиб қўйишини айтиб, шу пулнинг бир қисми 2 500 АҚШ долларини мансабдор танишларига бериши ҳақида айтиб алдаган.
Н.М. пулларини алдаб олмоқчи бўлган, бир неча кун ўтиб, Н.М.дан пулларни сўраганида, у ҳозирча пуллари йўқлигини айтиб, гаров сифатида тилла тақинчоқларини унга берган, 2018 йил 24 июль куни соат тахминан 20:00 ларда Жиззах шаҳар Қассоблик МФЙ ҳудудидаги «Ҳеъмат ота» чойхонасига таниши Л.С. билан борган, соат 20:30 ларда Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш Департаменти Жиззах вилоят бошқапмаcи ходимлари томонидан фйқапо М Н.нинг аризасига асосан ўтказилган тезкор тадбирда Ш.М. аризачи Н.М.дан 2 500 АҚШ долларини фирибгарлик йўли билан олган вақтида ушланган.
М.Шга нисбатан Ўзбекистон Республикаси ЖКнинг 25,168-моддаси (фирибгарлик) 2-қисми «а» банди ва 28,211-моддаси 1-қисми билан жиноят иши қўзғатилган.
Жиноят ишлари бўйича Жиззах шаҳар судининг 2018 йил 13 ноябрь кунги ҳукмига асосан М.Ш. Ўзбекистон Республикаси ЖКни 25,168-моддаси 2-қисми «а» банди ва 28,211-моддаси 1-қисмида назарда тутилган жиноятларни содир этганликда айбли деб топилиб, 3 йил муддатга озодликдан чеклаш жазоси тайинлинди.
Изоҳ (0)