Shu kunlarda Navoiy shahrida tog‘ ishlari bo‘yicha Yevrosiyo akademiyasi prezidiumi majlisi doirasida akademiyaning yangi a’zolariga diplomlarni tantanali topshirish marosimi bo‘lib o‘tdi. Bu haqda Facebook’dagi “Xalq bilan muloqot” guruhida ma’lum qilindi.
Akdemiya a’zoligiga saylanganlar orasida O‘zbekistonning quyidagi olti nafar ilg‘or olimlari ham bor:
- Texnika fanlari doktori Bahodir Raimjonov
- Texnika fanlari doktori Yunus Norov.
- Texnika fanlari doktori O‘tkir Nosirov.
- Texnika fanlari doktori Quvondiq Sanaqulov
- Texnika fanlari doktori Farhodbek Umarov
- Texnika fanlari doktori Ilhom Misliboyev
“MISiS” texnologik-tadqiqot universitetining Olmaliqdagi filiali direktori, texnika fanlari doktori Farhodbek Umarov tog‘ ishlari bo‘yicha Yevrosiyo akademiyasining eng yosh akademigi deb e’tirof etildi.
Ma’lumot uchun, Yevrosiyo tog‘ ishlari bo‘yicha akademiyasi 2018-yilning 20-iyunida Qozog‘istonning Ostona shahrida o‘tgan Butunjahon Tog‘ kongressi doirasida ta’sis etilgan bo‘lib, uning shtab-kvartirasi ham shu shaharda joylashgan.
Izoh (0)