Qoraqalpog‘iston Respublikasida qish mavsumida yong‘in xavfsizligini ta’minlash borasida aholi turar joylari va 3 mingdan ziyod ko‘p qavatli uylarda yashovchi fuqarolar xonadonlari, uylarning yerto‘lalari yong‘inga qarshi holati to‘liq tekshirib chiqildi, deb xabar berdi O‘zA.
Tekshiruvlar yakuni bo‘yicha xalq xo‘jaligi maskanlari va xonadonlarda aniqlangan kamchiliklar yuzasidan tegishli idoralarga 800 ga yaqin axborotnoma, korxona va tashkilotlarning yuqori organlariga 600 dan ortiq taqdimnomalar kiritildi. Yong‘in xavfsizligi qoida va talablarini buzgan 2 ming 42 nafar mansabdor, javobgar shaxs hamda fuqarolarga nisbatan 107 million so‘mdan ortiq miqdorda ma’muriy jarimalar solindi.
Qoraqalpog‘istonda joriy yilning o‘tgan davrida 660 dan ortiq yong‘in sodir bo‘lgan. Bu o‘tgan yilning shu davriga nisbatan yong‘inlar 1,3 foizga kamayganini ko‘rsatadi. Sodir bo‘lgan yong‘inlar keltirgan moddiy zarar qariyb 4 milliard 700 million so‘mni tashkil qilgan.
Izoh (0)