Шу кунларда Навоий шаҳрида тоғ ишлари бўйича Евросиё академияси президиуми мажлиси доирасида академиянинг янги аъзоларига дипломларни тантанали топшириш маросими бўлиб ўтди. Бу ҳақда Facebook’даги «Халқ билан мулоқот» гуруҳида маълум қилинди.
Акдемия аъзолигига сайланганлар орасида Ўзбекистоннинг қуйидаги олти нафар илғор олимлари ҳам бор:
- Техника фанлари доктори Баҳодир Раимжонов
- Техника фанлари доктори Юнус Норов.
- Техника фанлари доктори Ўткир Носиров.
- Техника фанлари доктори Қувондиқ Санақулов
- Техника фанлари доктори Фарҳодбек Умаров
- Техника фанлари доктори Илҳом Мислибоев
«МИСиС» технологик-тадқиқот университетининг Олмалиқдаги филиали директори, техника фанлари доктори Фарҳодбек Умаров тоғ ишлари бўйича Евросиё академиясининг энг ёш академиги деб эътироф этилди.
Маълумот учун, Евросиё тоғ ишлари бўйича академияси 2018 йилнинг 20 июнида Қозоғистоннинг Остона шаҳрида ўтган Бутунжаҳон Тоғ конгресси доирасида таъсис этилган бўлиб, унинг штаб-квартираси ҳам шу шаҳарда жойлашган.
Изоҳ (0)