19-noyabr City Palace mehmonxonasida BMTning “Xotin-qizlar huquqlari kamsitilishining barcha shakllariga barham berish to‘g‘risi”dagi Konvensiyasi (CEDAW) Qo‘mitasining tavsiyalarini bajarilishi yuzasidan davra suhbati bo‘lib o‘tdi. Bu haqda Xotin-qizlar qo‘mitasi matbuot xizmati xabar berdi.
Tadbir O‘zbekiston xotin-qizlari qo‘mitasi, Buyuk Britaniyaning elchixonasi hamda BMTning O‘zbekistondagi Aholishunoslik jamg‘armasi bilan hamkorlikda tashkil etildi. Davra suhbatida vazirlik va idora, xalqaro tashkilotlar hamda nodavlat notijorat tashkilotlar vakillari ishtirok etdi.
Tadbirni o‘tkazishdan asosiy maqsad “Xotin-qizlar huquqlari kamsitilishining barcha shakllariga barham berish to‘g‘risi”dagi Konvensiyasi (CEDAW) bo‘yicha Qo‘mitaning yakuniy tavsiyalarini bajarilishi yuzasidan O‘zbekiston Respublikasining Beshinchi davriy ma’ruzasiga doir Xotin-qizlar qo‘mitasining “Milliy harakatlar rejasi”ni amalga oshishi jarayonini muhokama, tahlil va sarhisob qilishdan iborat.
O‘zbekiston inson huquqlari sohasida 70 dan ortiq xalqaro hujjatlarga, xususan BMTning o‘nta kelishuv hujjatlariga qo‘shilgan hamda zimmasiga olgan barcha majburiyatlarni to‘laqonli bajarib kelmoqda. Xalqaro me’yorlar va huquqiy standartlarga asosan Ayollar huquqini ta’minlash maqsadida O‘zbekiston Xotin-qizlar huquqlari kamsitilishining barcha shakllariga barham berish to‘g‘risi”dagi Konvensiyasi (CEDAW)ga qo‘shilgan.
O‘zbekiston Respublikasining Konvensiyaning asosiy qoidalari bo‘yicha beshta hisoboti Xotin-qizlar huquqlari kamsitilishining barcha shakllariga barham berish yuzasidan o‘tkazilgan BMT Qo‘mitasining yig‘ilishlarida ko‘rib chiqilgan. O‘zbekistonning beshinchi davriy hisobotni ko‘rib chiqish natijasida, BMT qo‘mitasi tomonidan yakuniy tavsiyalar berilgan.
Davra suhbati doirasida Xotin-qizlar huquqlari kamsitilishining barcha shakllariga barham berish bo‘yicha tavsiyalarni bajarilishi yuzasidan ekspertlarning xulosalari hamda Milliy harakatlar rejasining bajarilishi yuzasidan asosiy natijalar tiglandi, rejaning amalga oshishida yuzaga kelgan kamchiliklarning sabablari tahlil qilindi hamda ularning bartaraf etish bo‘yicha tegishli tavsiyalar berildi.
Izoh (0)