19-noyabr, dushanba kuni O‘zbekiston futbol assotsiatsiyasi birinchi vitse-prezidenti Umid Ahmadjonov Milliy olimpiya qo‘mitasida HawkEye Innovations Ltd kompaniyasi Osiyo mintaqasi bo‘limining boshqaruvchi direktori Ben Krossing bilan uchrashuv o‘tkazdi. Bu haqda O‘FA matbuot xizmati xabar berdi.
Tomonlar uchrashuv davomida VAR tizimiga oid bir qator yangiliklarni ham muhokama qildi.
“VAR tizimini o‘rnatish uchun 4-8 oy vaqt ketadi. Uning narxi kelishuv shartlariga bog‘liq. Masalan, buning uchun mahalliy kompaniyalarni jalb qilsangiz, bu siz uchun arzonroq tushadi. Agar besh yillik kelishuv amalga oshirilsa, yanada yaxshiroq sharoitlar yaratiladi. Jo‘nab ketish oldidan yurtingizdagi stadionlardan birini ko‘zdan kechiraman”, — dedi Ben Krossing.
Umid Ahmadjonov ushbu tizimni O‘zbekistonda tatbiq etish shartlari, yana boshqa jihatlar bilan qiziqqani ta’kidlanadi xabarda.
Izoh (0)