19 ноябрь, душанба куни Ўзбекистон футбол ассоциацияси биринчи вице-президенти Умид Аҳмаджонов Миллий олимпия қўмитасида HawkEye Innovations Ltd компанияси Осиё минтақаси бўлимининг бошқарувчи директори Бен Кроссинг билан учрашув ўтказди. Бу ҳақда ЎФА матбуот хизмати хабар берди.
Томонлар учрашув давомида VAR тизимига оид бир қатор янгиликларни ҳам муҳокама қилди.
«VAR тизимини ўрнатиш учун 4-8 ой вақт кетади. Унинг нархи келишув шартларига боғлиқ. Масалан, бунинг учун маҳаллий компанияларни жалб қилсангиз, бу сиз учун арзонроқ тушади. Агар беш йиллик келишув амалга оширилса, янада яхшироқ шароитлар яратилади. Жўнаб кетиш олдидан юртингиздаги стадионлардан бирини кўздан кечираман», — деди Бен Кроссинг.
Умид Аҳмаджонов ушбу тизимни Ўзбекистонда татбиқ этиш шартлари, яна бошқа жиҳатлар билан қизиққани таъкидланади хабарда.
Изоҳ (0)