“Real” hujum chizig‘i kuchaytiriladi, nomzod aniq

Madridning “Real” klubi skautlari Ispaniya hamda Bosniya va Gersegovina terma jamoalari o‘rtasidagi o‘rtoqlik o‘yinini kuzatib bordi, deb xabar beradi Football Italia.

Unga ko‘ra, jamoa hujum chizig‘ini kuchaytirish istagida. Madrid klubi skautlari mazkur bahsda Bosniya v Gersegovina terma jamoasining 32 yoshli hujumchisi Edin Jekoni kuzatib borishgan. “Qirollik klubi” mutasaddilari Jekonining jamoa hujum chizig‘ini kuchaytira olishiga umid bildirmoqda.

Ma’lumot uchun, Jeko “Roma” klubiga 2015-yilda o‘tgandi. U joriy mavsum A Seriyaning 11 ta o‘yinida maydonga tushib, 2 ta gol urdi va 2 ta golli uzatmani amalga oshirdi.

Eslatib o‘tamiz, “Roma” “Real” bilan Yevropa Chempionlar Ligasi musobaqasi doirasida 27-noyabr sanasida to‘qnash keladi.