“Toshkent—Mumbay” aviareysi samolyoti yo‘lovchining yurak xuruji tufayli Samarqandda shoshilinch qo‘ndi. Bu haqda “O‘zbekiston havo yo‘llari” matbuot xizmati ma’lum qildi.
Trap yonida kutib turgan tez tibbiy yordam mashinasi yo‘lovchini Samarqand shahridagi kasalxonalardan biriga olib ketdi.
Samolyot Toshkent xalqaro aeroportidan soat 00:05 da parvoz qilgandi. Oradan ko‘p o‘tmay, havo kemasi Afg‘oniston hududiga kirganda yo‘lovchining mazasi qochdi. Uning holatini baholagan ekipaj bortni ortga qaytarish va yaqin oradagi yirik shahar aeroportiga qo‘nishga qaror qildi.
Yo‘lovchi shifokorlar ixtiyoriga topshirilganidan keyin samolyot reysni bajarishda davom etdi va Mumbayga biroz kechikish bilan, soat 6:15 da yetib bordi.
Izoh (0)